سوله، جګړه، او انتقالي عدالت

 انتقالي عدالت له هغو قضایي او غیر قضایي میکانیزمونو څخه عبارت دی چې هدف له جګړې څخه راتلو ټولنو کې یوې باثباته سولې ته د رسیدو لپاره تېرو بې عدالیتو ته رسیدګي ده. په افغانستان کې له ۲۰۰۱ م کال څخه وروسته د انتقالي عدالت بحثونو زور اخیستی وو، چې له کبله یې په ۲۰۰۵ م کې د انتقالي عدالت پلان جوړ شو، تر څو تېرو بې عدالتیو ته رسیدګي وکړي، مګر په ۲۰۰۹ م کې د یاد پلان د تطبیق موده، له کومې مهمې لاسته راوړنې پرته پای ته ورسېده، چې دې کار په ټولو وروستیو سیاسي پېښو کې خپل اغېزمن نقش درلوده. محصلین به دې مضمون کې د انتقالي عدالت مفهوم وپېژني او هغه میکانیزمونه به هم مشخص کړای شي چې د انتقالي عدالت په پلي کېدو کې ترې استفاده کېږي. ورپسې به د افغانستان د انتقالي عدالت پلان او د هغې برخې وپېژني او ددغه پلان د نه تطبیق عوامل به هم په نښه کړي. همدا ډول، محصلین به د افغانستان د عمومي بښنې قانون او د معافیت کلتور په اړه بحثونو کې ګډون وکړي. په پای کې به محصلین د افغانستان د وروستیو سیاسي تحولاتو په رامنځته کېدو کې د انتقالي عدالت د نه تطبیق اغېزې هم تحلیل کړي.

عامه پالیسي جوړونه

په سازمانونو کې د مديرانو د مهمو وظايفو څخه د پالیسي تدوين دی، د سازمان او ټولنې مسايل په دقیق ډول سره تحلیلول اولیتونو پېژندل او د موجوده سرچینو په نظر کې نیولوسره چې په لږ لګښت سره زياته ګټه ترلاسه کول د يوې علمي، منطقي، منل

شوې او بهترينې حل لارې پراساس کیږي. ننۍ نړۍ د معاصرو تغیراتو او مغلقیتونو شاهده ده او د انسان چاپیريال مختلفو مسايلو احاطه کړی دی چې هر يو له نوموړو مسايلو څخه يې په ډول، ډول د بشر ژوند ، آينده او ټولنییز نظام تر حملې او خطر لاندې راوستی دی. ددې مسايلو د حل لپاره مسلکي، پوه او په مسايلو روښانه اذهانو ته اړتیا لیدل کیږي. چاپیريال ساتنه، د صنعت پراختیا، دټولنو پرمختګ، مخدره مواد، خشونت، بې سوادي، فقر او نورمسايل چې پالیسي جوړونکي يې د سختیو سره مخامخ کړيدي، پدې برخه کې د عامه پالیسي علم کولای شي چې دا ډول مشکلاتو لپاره د عامه پالیسي په جوړولو سره د حل لارط وړاندې او مخنیوی يې وکړي. په همدې منظور د عامه پالیسي جوړونې مضمون محصلین د عامه پالیسي پېژندنه، عامه پالیسي جوړونې څرخ، د مسلې يا ستونزې تعريفول، د حل لارو وړانديز، د حل لارې انتخاب، د عامه پالیسي تطبیق، ارزيابي او نور اړونده موضوعاتو په اړه پوهه ترلاسه کړي.